Post Image

ولسمشر محمد اشرف غني د نړیوال بانک، د افغانستان لپاره د اسیا پرمختایي بانک، د روغتیا نړیوال سازمان او یونیسف ادارې مسوولینو ته د ویډیويي کنفرانس له لارې  وویل، چې د کرونا ویروس دویمې څپې سره مبارزه د افغانستان حکومت له لومړیتوبونو څخه ده او له دوی یې وغوښتل، چې د کرونا واکسین برنامې د تطبیق په لومړي پړاوو کې له افغانستان سره مرسته وکړي.

د نړیوال او اسیا پراختیایي بانکونو مشران دیادې غوښتنې په منلو وویل، ټاکل شوې د کرونا ویروس دویمې څپې سره د مبارزې په لومړي پړاوو کې د ۲۰-۴۰ سلنې پورې د واکسین برنامه په افغانستان کې تطبیق شي.

همدارا ز ولسمشر  غني افغان جاپان روغتون ته په اشارې وویل:

« د افغان-جاپان روغتون څخه مې چې په کرونا ویروس د اخته خلکو د درملنې اصلی مرکز دی، لیدنه وکړه چې تراوسه هم طبي تجهیزاتو او امکاناتو ته شدیده اړتیا لري.»

همداراز یادو مسوولینو د کوویډ ۱۹ واکسین د تمويل په لومړي پړاوو کې د نړیوالې ټولنې د مالي تعهداتو چې ټاکل شوې د افغانستان حکومت له لورې د نړیوال بانک په مرسته تطبیق شي، خبر ورکړ.

دا لینک شریک کړئ

ورته مطالب